இலக்கணம் இனிது-Ilakkanam Inidhu
இன்றைய தலைமுறையினர் பலருக்கும் தமிழ் எழுதுவதில் சிரமம் இருக்கிறது. தவறான சொல் பயன்பாடு, திரும்பத் திரும்பப் பயன்படுத்தப்பட்டு அதுவே பெரு வழக்காகி நிலைபெறும் அவலத்தையும் நாம் பார்க்கிறோம். இந்தப் பின்னணியில்தான் தமிழாசிரியர் நா.முத்துநிலவன் தமிழை எப்படித் தவறில்லாமல் எழுதுவது என இந்த நூலில் நா.முத்துநிலவன் தெளிவுபட விளக்கியுள்ளார். தன்மையான ஒரு மொழியில் எளிமையான முறையில் இன்றைய பயன்பாட்டில் உள்ள பிழைகளை நா.முத்துநிலவன் இதில் சுட்டிக் காட்டித் திருத்துகிறார். தமிழ் இலக்கணத்தைப் பயன்பாட்டு முறையை முன்வைத்து இனிமையாகச் சொல்லியுள்ளார். அதனால் அதைக் கைக்கொள்வதும் எளிதாக இருக்கிறது. புரிந்துகொள்ளக்கூடிய உதாரணங்களுடன் ஓர் அழகான பாடமாக ஒவ்வொரு கட்டுரையை நா.முத்துநிலவன் எழுதியுள்ளார். தமிழ் ஆர்வமுள்ளவர்கள் ஒவ்வொருவரும் கொள்ள வேண்டிய கையேடு என இந்நூலை முன்னிறுத்தலாம்.
கையொப்பம் -Kaiyoppam
*இருமுறை சாகித்திய அகாடமி விருது பெற்ற கவிஞர் புவியரசுவின் இயற்பெயர் ஜெகநாதன்.
*தமிழ்மொழியைத் தமிழ்நாட்டின் ஆட்சிமொழியாக்குவதற்கு நடந்த போராட்டங்களிலும் எல்லைப் போராட்டங்களிலும் ஈடுபட்டுச் சிறை சென்றவர். சிறிதுகாலம் மட்டும் இயங்கிய வானம்பாடி இலக்கிய இயக்கத்தைத் தோற்றுவித்தவர்களில் இவரும் ஒருவர். தனது இலக்கியப் பயணத்தில் 80க்கும் மேற்பட்ட படைப்புகளைத் தந்துள்ளார். ஷேக்ஸ்பியர், கலில் கிப்ரான், உமர் கயாம், ஓஷோ, தஸ்தவேஸ்கி, ரவீந்திரநாத் தாகூர் ஆகியோரின் படைப்புகளைத் தமிழில் மொழிபெயர்த்துள்ளார். இவரது சில கவிதைகள் ஆங்கிலம், உருசிய, அங்கேரி, சிங்கள மொழிகளிலும் இந்திய மொழிகளான மலையாளம், கன்னடம் மற்றும் இந்தியிலும் மொழிபெயர்க்கப்பட்டுள்ளன. இவரது கவிதை புரட்சிக்காரன் 2007-இல் மொழிபெயர்ப்புக்கான சாகித்திய அகாதமி விருது பெற்றது. இக்கவிதை காஜி நஸ்ருல் இஸ்லாம் எழுதிய தி ரெவலூஷனரி என்ற கவிதையின் தமிழ் மொழிபெயர்ப்பாகும். இவரது கவிதைத் தொகுப்பான கையொப்பம் 2009-இன் தமிழுக்கான சாகித்திய அகாதமி விருது பெற்றது.
